جانور بھی انسانوں کی طرح خواب دیکھنے کی صلاحیت رکھتے ہیں

ایک تحقیق کے ذریعے معلوم کیا گیا کہ جانور بھی انسانوں کی طرح خواب دیکھنے کی صلاحیت رکھتے ہیں جی ہاں نیوروسائنٹسٹس نے جانوروں پر ٹیسٹ کیے ہیں جن سے یہ ظاہر ہوتا ہے کہ جانور بھی خواب دیکھتے ہیں - خاص طور پر چوہوں پر تجربات کیے گئے ہیں جن میں دن کے وقت ان کو مختلف کام کروائے گئے اور ان کاموں کے دوران ان کے دماغ سے سگنلز ریکارڈ کیے گئے تاکہ یہ معلوم ہوسکے کہ کس کام کے کرتے وقت دماغ کیسے سگنل پیدا کرتا ہے - پھر ان چوہوں کے دماغ کی ریکارڈنگ اس وقت کی گئی جب وہ سو رہے تھے - چوہوں میں بھی سونے کے دوران REM sleep ہوتی ہے جس میں ان کی آنکھیں تیزی سے حرکت کرتی ہیں - اس دوران چوہے خواب دیکھتے ہیں - ان کے دماغ کی ریکارڈنگ سے معلوم ہوا کہ وہ اسی قسم کے منظر خواب میں دیکھ رہے تھے جو انہوں نے دن میں دیکھے تھے - اس تجربے سے اس مفروضے کو تقویت ملتی ہے کہ نیند کے دوران دماغ دن بھر کے تجربات کو عارضی یادداشت سے مستقل یادداشت میں منتقل کرتا ہے اور انہیں پرانی یادوں کے ساتھ integrate کرتا ہے - خواب اس عمل کا ضمنی نتیجہ ہیں - تمام میملز پرندے اور غالباً اکثر reptiles خواب دیکھتے ہیں